BAKI,VOA,Yusif Şərifzadə
Avropa İttifaqının diplomatik xidməti Livanın hərbi və təhlükəsizlik strukturlarını dəstəkləmək üçün üç illik təlim və məsləhət missiyası planı hazırlayıb.
VOA xəbər verir ki, bu barədə Reuters agentliyi Aİ-nin Xarici Fəaliyyət Xidmətinə (EEAS) istinadla məlumat yayıb.
Sənədə əsasən, missiyanın məqsədi Livan hakimiyyətinə ölkə ərazisi üzərində nəzarətin gücləndirilməsi və sərhəd təhlükəsizliyinin möhkəmləndirilməsi sahəsində dəstək verməkdir.
Plan çərçivəsində Livan ordusunun sərhəd bölmələrinin, mobil qüvvələrinin və regional jandarma bölmələrinin gücləndirilməsi nəzərdə tutulur.
Eyni zamanda kəşfiyyat, müşahidə və nəzarət (ISR) imkanlarının artırılması, həmçinin dəniz təhlükəsizliyi və limanların idarə olunması sahəsində potensialın inkişaf etdirilməsi planlaşdırılır.
Missiyanın həyata keçirilməsi üçün Avropa İttifaqının 27 üzv dövlətinin yekdil razılığı tələb olunur.