BAKI,VOA Orxan Qədirzadə

Türkiyənin Beşiktaş klubu misirli ulduz futbolçu Məhəmməd Salahın transferi üçün rekord məbləğdə təklif hazırlayıb.

Türkiyə mətbuatının yaydığı məlumata görə, İstanbul təmsilçisi Salaha iki illik müqavilə təklif edib. Paketə yüksək əməkhaqqı, performans bonusları və imic hüquqları ilə bağlı xüsusi şərtlər daxil edilib.

beIN SPORTS-un məlumatına əsasən, Beşiktaşın təklifi aşağıdakı şərtləri əhatə edir:

2 illik müqavilə;

İllik 15 milyon avro maaş;

Performans və müəyyən hədəflərin yerinə yetirilməsinə görə illik 4 milyon avroya qədər bonus;

İmic hüquqları ilə bağlı xüsusi maddələr;

Müqavilənin klub üçün ümumi dəyərinin 40 milyon avronu keçəcəyi proqnozlaşdırılır.

Məlumata görə, Məhəmməd Salahın yaxın günlərdə Beşiktaşın təklifinə yekun cavab verməsi gözlənilir.

Klub rəhbərliyinin bu transferlə həm komandanın idman nəticələrini gücləndirməyi, həm də Beşiktaşın beynəlxalq brend dəyərini artırmağı hədəflədiyi bildirilir.

Əgər transfer baş tutarsa, bu, Beşiktaş tarixinin ən bahalı transfer əməliyyatlarından biri kimi qeydə düşə bilər.

Bununla yanaşı, tərəflər arasında rəsmi razılığın əldə olunduğu barədə hələlik klub və ya futbolçu tərəfindən açıqlama verilməyib.