BAKI,VOA Nailə Babazadə

ABŞ Prezidenti Donald Tramp Almaniya Kansleri Fridrix Mertsi Ukrayna münaqişəsində “tamamilə təsirsiz” qalmaqda ittiham edərək, ona xarici siyasətə müdaxilə etmək əvəzinə ölkəsinin daxili problemləri ilə məşğul olmağı tövsiyə edib.

VOA xəbər verir ki,özünə məxsus "Truth Social" platformasında paylaşım edən Tramp, Almaniya hökumətinin daxili siyasətini sərt tənqid atəşinə tutub. O bildirib ki, kanser Merts vaxtını İranın nüvə təhdidini ortadan qaldırmağa çalışanlara mane olmaq əvəzinə, Almaniyadakı "bozuk" enerji və miqrasiya sistemini düzəltməyə sərf etməlidir. Tramp Almaniyanın hazırkı vəziyyətini "dağılmış ölkə" kimi xarakterizə edib.

Tramp paylaşımında Mertsin Ukraynadakı müharibənin dayandırılması istiqamətində heç bir effektiv addım atmadığını xüsusi vurğulayıb. O qeyd edib ki, Almaniya rəhbərliyi dünyanı daha təhlükəsiz yerə çevirən və İran təhlükəsi ilə mübarizə aparan tərəflərin işinə qarışmamalıdır: "Almaniya daxil olmaqla bütün dünyanı daha təhlükəsiz yerə çevirən və İran nüvə təhdidini ortadan qaldıran şəxslərə müdaxilə etməyə daha az vaxt ayırmalıdır!"

Açıqlamasını "Prezident DJT" (Donald J. Trump) imzası ilə bitirən ABŞ lideri, Almaniya kanslerini Rusya-Ukrayna müharibəsini bitirmək üçün daha real və aktiv zaman xərcləməyə çağırıb. Bu bəyanat Vaşinqton və Berlin arasında xüsusilə enerji təhlükəsizliyi və Yaxın Şərq siyasəti mövzusunda mövcud olan gərginliyi yenidən gündəmə gətirib.