BAKI,VOA

İsrailin Baş naziri Benyamin Netanyahu xalqa müraciətində İsrail ordusunun İrandakı hərbi əməliyyatlarının miqyasını genişləndirdiyini və bölgədəki geosiyasi qüvvələr nisbətini İsrailin xeyrinə qəti şəkildə dəyişdiyini bəyan edib.

VOA xəbər verir ki, Netanyahu çıxışında İran rejimini "terror sistemi" adlandıraraq, İsrailin bu sistemi getdikcə artan bir güclə "əzməyə" davam etdiyini vurğulayıb.

Netanyahu İsrail Hərbi Hava Qüvvələrinin son 48 saat ərzində həyata keçirdiyi konkret əməliyyatların nəticələrini açıqlayıb.

“İsrail bu gün İran daxilindəki strateji dəmir yolu xətlərini və körpüləri hədəf alaraq onları sıradan çıxarıb. Dünən isə israilli pilotlar İran Hərbi Hava Qüvvələrinin bazalarından birində yerləşən onlarla helikopter və təyyarəni məhv edib”-deyə o bildiirb.

Baş nazir müraciətində xüsusi bir məqamı qeyd edərək bildirib ki, bu əməliyyatlar İran xalqına qarşı yönəlməyib.

"Bizim əməliyyatlarımız İran xalqına qarşı deyil, onları repressiya edən rejimi zəiflətməyə xidmət edir. İran artıq əvvəlki kimi deyil, İsrail də həmçinin. Biz regionda güc balansını kökündən dəyişirik."-deyə o qeyd edib.