Close Menu
    Digər Xəbərlər

    Trampın müharibə bəyanatı: "İranda genişmiqyaslı döyüş əməliyyatlarına başladıq"

    Trampın müharibə bəyanatı: "İranda genişmiqyaslı döyüş əməliyyatlarına başladıq"
    Bizi buradan izləyin və Bizə yazın

    BAKI, VOA

    ABŞ Prezidenti Donald Tramp bir az əvvəl dünya gündəmini sarsıdan rəsmi bəyanatla çıxış edib. Tramp Birləşmiş Ştatların İrana qarşı genişmiqyaslı hərbi müdaxiləyə başladığını elan edib.

    VOA xəbər verir ki, Prezident Tramp çıxışında bu ifadələri işlədib: "Bir az əvvəl İranda genişmiqyaslı döyüş əməliyyatlarına başladıq. Məqsədimiz İran rejimindən gələn qaçılmaz təhdidləri aradan qaldırmaqla Amerika xalqını müdafiə etməkdir." Bu bəyanat ABŞ-ın Orta Şərq siyasətində yeni və birbaşa hərbi toqquşma mərhələsinə keçdiyini rəsmən təsdiqləyir.

    Qeyd edək ki,bu gün İranın paytaxtı Tehranda partlayış səslərinin eşidildiyi bildirilir.İsrail müdafiə nazirliyinin verdiyi açıqlamada İran ərazisində ümumilikdə ondan çox hərbi obyektin vurulduğu bildirilib. Hadisə ilə bağlı açıqlama verən İsrailin müdafiə naziri İsrael Kats ölkə daxilində fövqəladə vəziyyət elan edildiyini bəyan edib.

    Katsın bu açıqlaması İranın paytaxtı Tehranın mərkəzində baş verən güclü partlayışdan sonra şəhər üzərində qatı tüstü dumanının yüksəldiyi vaxta təsadüf edib. İran dövlət televiziyası paytaxtda partlayışın baş verdiyini təsdiqləsə də, hadisənin səbəbləri və təfərrüatları barədə hələlik geniş məlumat verməyib.

    Eyni zamanda, İsrailin bütün ərazisində həyəcan siqnalları (sirenalar) səslənib. İsrail ordusu tərəfindən verilən açıqlamada bildirilib ki, bu, ölkəyə raket atılması ehtimalına qarşı ictimaiyyəti hazırlamaq məqsədi daşıyan qabaqlayıcı bir xəbərdarlıqdır. Bu hərbi gərginlik, Tehranın nüvə proqramı səbəbilə İran və ABŞ arasındakı münasibətlərin ən gərgin həddə çatdığı bir dövrdə baş verib.

    Oxşar Xəbərər

    © 2026 Azervoice.