BAKI,VOA, Fərid Mikayılov
İsrail mətbuatı ABŞ-ın müharibəni dayandırmaq məqsədilə İrana təklif etdiyi bildirilən mümkün mutabakatın Təl-Əvivdə ciddi narahatlıq yaratdığını yazıb.
VOA xəbər verir ki, İsrail rəsmiləri hesab edir ki, müzakirə olunan sənəd İranın ballistik raket proqramını tam dayandırmır və Tehrana qarşı iqtisadi sanksiyaların yumşaldılmasına yol aça bilər.
İsrailli mənbə iddia edib ki, mümkün razılaşma İsrailin təhlükəsizlik məqsədlərinə cavab vermir və İran rəhbərliyinin mövqeyini daha da gücləndirə bilər.
ABŞ və İran arasında genişmiqyaslı razılaşma əldə olunarsa, İsrailin Livandakı əməliyyatları dayandırması və bəzi mövqelərdən geri çəkilməsi ilə bağlı beynəlxalq təzyiqlərlə üzləşə biləcəyi ehtimal olunur.
İran parlamentinin sədri Məhəmməd Baqir Qalibaf isə Vaşinqtonla razılaşmaya yaxın olunduğu barədə iddiaları təkzib edib.