BAKI, AzerVoice, Nailə Babazadə
BMT-nin Uşaq Fondu (UNICEF) bildirib ki, Qəzzada uşaqlar arasında ağır qidalanma çatışmazlığı səviyyəsi 2025-ci ilin avqustunda 19 faizədək yüksəlib. Bu, hər beş uşağın birinin kəskin aclıqdan əziyyət çəkdiyi deməkdir. Ümumilikdə təxminən 13 min uşaq kritik vəziyyətdədir.
AzerVoice xəbər verir ki, UNICEF xəbərdarlıq edib ki, davam edən İsrail əməliyyatları fonunda sığınacaqların və həyati vacib xidmətlərin olmaması 450 min uşağın həyatını birbaşa təhlükə altına qoyur. Qurum bunu yaxınlaşan humanitar fəlakət kimi qiymətləndirib.
BMT təşkilatları beynəlxalq ictimaiyyəti Qəzzadakı mülki şəxslərin müdafiəsini təmin etməyə və bölgəyə maneəsiz, davamlı və təhlükəsiz humanitar yardım dəhlizi açmağa çağırıb.