BAKI, AzerVoice, Nərmin Ağayeva

Mütəxəssislər məşqdən əvvəl banan yeməyin performansı artırdığını, əzələ sağlamlığını dəstəklədiyini və enerji verdiyini bildirir.

AzerVoice xəbər verir ki, banan kalium, karbohidrat və maqnezium kimi qida maddələri ilə zəngindir və məşq üçün ideal qəlyanaltıdır. Klivlend Klinikasına görə, bir bananda 451 mq kalium var ki, bu da gündəlik tövsiyə olunan miqdarın əhəmiyyətli hissəsidir. Kalium krampların, yorğunluğun və ürək ritm problemlərinin qarşısını alır.

Nyu-York Universitetinin idman dietoloqu Amy Stephens, “Banan məşq performansını artıran kalium və karbohidratlarla doludur,” – deyib. Bir bananda 27 qram karbohidratın olması uzunmüddətli idmançılar üçün dözümlülüyü artırır. Harvard Tibb Məktəbi isə bananın maqneziumla ürək-damar və beyin sağlamlığını dəstəklədiyini qeyd edir.

Dietisyen Kaytee Hadley, bananın asan həzm olunduğunu və mədə narahatlığı yaratmadığını vurğulayaraq, məşqdən 10 dəqiqə ilə 1 saat əvvəl yeyilməsini tövsiyə edib. Fıstıq yağı kimi yağla birlikdə istehlak edilərsə, həzmin daha yavaş olması üçün 60 dəqiqə gözləmək məsləhətdir.