"Əl-Hilal" klubunun prezidenti şahzadə Nəvaf bin Səd komandasının vacib üç xal qazanmasından duyduğu məmnunluğu ifadə edərək, əsas diqqətin İki Müqəddəs Ocağın Xadimi Kubokunun (Kral Kuboku) finalına yönəldiyini bildirib.

Azərbaycanın ilk dəfə ev sahibliyi etdiyi III MDB Oyunlarında sambo yarışlarının final görüşlərinə start verilib.

Təxminən 50 tanınmış idmançı, o cümlədən fransalı futbolçu Pol Poqba və mərakeşli Hakim Ziyeş, İsrailin bütün komandalarının Avropa Futbol Assosiasiyaları İttifaqı (UEFA) tərəfindən təşkil olunan yarışlardan uzaqlaşdırılmasını tələb edən bəyanata imza atıb

UEFA Çempionlar Liqasının əsas mərhələsinin I turunda Portuqaliyada "Benfika"nı 3:2 hesabı ilə məğlub edən "Qarabağ" komandası Vətənə qayıdıb.

Güləş üzrə U-17 dünya çempionatı 2026-cı ildə Bakıda keçiriləcək. Azərbaycan Güləş Federasiyasından AzerVoice-a verilən məlumata görə, bu barədə qərar Dünya Güləş Birliyinin (UWW) İcraiyyə Komitəsinin iclasında qəbul edilib. Sofiya (Bolqarıstan), İsgəndəriyyə (Misir), Əmman (İordaniya) və Brasovun (Rumıniya) da namizəd olduğu yarışın təşkilatçılığı Azərbaycan paytaxtına həvalə edilib. Dünyanın ən güclü yeniyetmə güləşçiləri gələn il 27 iyul–2 avqust tarixlərində Milli Gimnastika Arenasında müəyyənləşəcək.

2025 Avropa Basketbol Çempionatının (EuroBasket 2025) 1/4 final mərhələsində Yunanıstan Litvanı 87-76 hesabı ilə məğlub edərək yarımfinala vəsiqə qazanıb. Yunanıstan 12 sentyabr, cümə günü keçiriləcək yarımfinal oyununda Türkiyə ilə üz-üzə gələcək. Görüş Latviyanın paytaxtında yerləşən “Arena Riga” zalında baş tutub. Matçı kanadalı Matt Kallio, ispaniyalı Antonio Konde və xorvatiyalı Martin Vuliç idarə ediblər.

Türkiyənin "Fənərbağça" klubu baş məşqçi Joze Mourinyonun ayrılmasından sonra 39 yaşlı italiyalı mütəxəssis Domeniko Tedesko ilə müqavilə imzalayıb. Bu barədə klubun yaydığı açıqlamada deyilir. “Komandanın baş məşqçiliyi üçün cənab Domeniko Tedesko ilə 2025-2026 və 2026-2027 mövsümlərini əhatə edən iki illik müqavilə imzalanıb” - deyə, açıqlamada bildirilib.

Kaspar Yulmann Almaniyanın “Bayer” klubunun baş məşqçisi təyin olunub. Məlumata görə, 53 yaşlı danimarkalı mütəxəssislə 2027-ci iyunun 30-dək müqavilə imzalanıb. Yulmann bu vəzifədə niderlandlı Erik ten Haqı əvəzləyib. Ten Haqın rəhbərliyi altında “Bayer” üç rəsmi oyun keçirib. Onlardan biri qələbə, biri heç-heçə, biri isə məğlubiyyətlə nəticələnib.

Türkiyənin futbol üzrə A Milli komandası 2026 FIFA Dünya Kuboku Avropa seçmə mərhələsinin E qrupundakı ikinci oyununda bu gün İspaniya ilə qarşılaşacaq. Görüş MEDAŞ Konya Böyükşəhər Stadionunda keçiriləcək və Bakı vaxtı ilə saat 22:45-də başlayacaq. Matçı İngiltərə Futbol Federasiyasından Maykl Oliver idarə edəcək. Ona yan xətt hakimləri Stüart Burt və Ceyms Meynverinq kömək edəcək, dördüncü hakim funksiyasını isə Kris Kavanax yerinə yetirəcək.

Azərbaycanın daha bir boksçusu Liverpulda keçirilən dünya çempionatına qələbə ilə başlayıb. Səidcəmşid Cəfərov ilk döyüşündə rəqibi üstələyib. 75 kiloqramda mübarizə aparan təmsilçimiz 1/16 finalda Qavin Raffertini (İrlandiya) məğlub edib. Hər üç raundu aktivinə yazan S.Cəfərov yekunda 5:0 (30:27, 30:27, 30:27, 30:27, 30:26) hesabı ilə qələbə qazanıb.

Slovakiyanın paytaxtı Bratislava şəhərində cüdo üzrə gənclər arasında Avropa çempionatına davam edir. Final görüşündə Azərbaycan təmsilçisi Nihad Məmişov italiyalı Françesko Sampino ilə üz-üzə gəlib. 60 kiloqram çəki dərəcəsində yarışan idmançı rəqibini üstələyərək qızıl medal qazanıb. Bu gün Azərbaycanın digər cüdoçusu Məhəmməd Musayev də (66 kiloqram) final qarşılaşmasında çıxış edəcək.

Türkiyənin “Beşiktaş” klubu Almaniyanın “Volfsburq” komandasında çıxış edən 27 yaşlı çexiyalı cinah oyunçusu Vatslav Çernı ilə razılığa gəlib. Futbolçu ilə 3+1 illik müqavilə imzalanacaq. Keçid üçün “Beşiktaş”ın 6–7 milyon avro civarında ödəniş edəcəyi və bu məbləği 2029-cu ilə qədər hissə-hissə ödəyəcəyi bildirilib. Hazırda Çexiya millisinin düşərgəsində olan Çernı bu gün İstanbula gələrək tibbi müayinədən keçəcək və müqaviləyə imza atacaq. “Beşiktaş” oyunçunun bu axşam yerli vaxtla saat 23:05-də (Bakı vaxtı ilə 00:05-də) İstanbulda olacağını açıqlayıb.