BAKI, AzerVoice

Marsın altında həyat ola bilərmi?

AzerVoice xəbər verir ki, NASA-nın Marsa göndərilən InSight vasitəsinin əldə etdiyi yeni seysmik məlumatlar, planetin səthinin altında maye suyun mövcud olma ehtimalını artırıb.

Bu tapıntılar, mikrob həyatının Marsda varlığını dəstəkləyən mühüm göstəricilər kimi qiymətləndirilir. Xirosima Universitetindən İkuo Katayama və Dəniz Geodinamikası Tədqiqat İnstitutundan Yuya Akamatsu tərəfindən edilən qiymətləndirmə, maye suyun Marsın səthinin 10-20 kilometr dərinliklərində ola biləcəyini ortaya qoyur.

InSight vasitəsinin SEIS (Daxili Quruluş üçün Seysmik Təcrübə) cihazı ilə toplanan məlumatlara əsaslanan bu araşdırma, Marsın daxili təbəqələrindəki seysmik dalğaların davranışını incələyərək, yeraltı süxurların strukturu haqqında yeni məlumatlar verir. Alimlər, P və S dalğalarının sürətləri və keçid davranışlarının suyun mövcudluğuna dair ipuçları verdiyini bildirirlər.

Qeyd edək ki, S dalğalarının suda keçə bilməməsi, suyun varlığını göstərən bir əlamət olaraq qiymətləndirilir. Həmçinin, İsveçdə aparılan laboratoriya təcrübələri də bu tapıntıları dəstəkləyir. Katayama və Akamatsu, bu nəticələrin, Marsın müasir dövründə də maye suyun mövcud ola biləcəyini göstərdiyini vurğulayıblar.

Bu yeni məlumatlar, planetdə mikrob həyatının ehtimalını artırır və Marsın gələcək araşdırmaları üçün mühüm addım olaraq qəbul edilir.