Bakı, AzerVoice
GenAI modellərindən həssas siyasi məsələlər və Çin prezidenti Si Tsinpin haqqında suallara cavab verməsi tələb olunur.
AzerVoice xəbər verir ki, Çin hökuməti ölkədəki süni intellekt (AI) şirkətlərinin böyük dil modellərini (LLM) "əsas sosialist dəyərləri ehtiva edib-etmədiyini" yoxlamaq üçün sınaqdan keçirir.
Financial Times-a (FT) görə, həm yeni qurulan şirkətlər, həm də TikTok sahibi ByteDance və Alibaba kimi böyük texnoloji şirkətlər Çin Kiberməkan İdarəsi (CAC) tərəfindən yoxlanılacaq.
Belə ki, CAC rəsmiləri süni intellekt modellərini siyasi məsələlər və Çin sədri Si Cinpinlə bağlı suallara verdikləri cavablar əsasında sınaqdan keçirəcəklər.
Həyata keçirklən tədbirlər nəticə verib və Çinin ən məşhur chatbotlarının 1989-cu ildə Tiananmen Meydanı etirazları kimi mövzularla bağlı suallara cavab verməkdən imtina etməsinə səbəb olub.
Qaydalara baxmayaraq, Çin ByteDance və start-up Zhipu ilə öz məhsuldar süni intellekt chatbotlarını inkişaf etdirərək dünyada ən çox GenAI patentini təqdim edən ölkə oldu.
