Bakı, AzerVoice

Kanadada yazıçılara verilən prestijli Scotiabank Giller Mükafatına namizədlər siyahısında olan 15 yazıçı, mükafatın sponsorlarının İsrail silah istehsalçıları ilə əlaqələri səbəbiylə əsərlərini müsabiqədən geri götürüblər.

AzerVoice xəbər verir ki, müəlliflər dünən Giller Fonduna göndərdikləri məktubda “Giller Fondu İsrail tərəfindən Fələstinə qarşı həyata keçirilən işğalın birbaşa sərmayədarı olan hər hansı sponsordan maliyyə dəstəyi almağa davam etdikcə, o soyqırımın ortağı olaraq qalacaq” deyə bildiriblər.

Müvəffəqiyyətli yazıçılara verilən təqribən 73 min dollar dəyərində nüfuzlu mükafat üçün göstərilən namizədlər siyahısında olan 15 nəfər müsabiqədən çəkildiklərini elan ediblər. Yazıçılar olaraq əsərlərinin silahların maliyyələşdirilməsinə və İsrailin Fələstinlilərə qarşı davam edən soyqırımına aktiv şəkildə sərmayə qoyan sponsorlara pərdə kimi istifadə edilməsinə dözə bilmədiklərini ifadə ediblər.

Daha əvvəl Scotiabank Giller Mükafatını qazanmış 5 nəfər tərəfindən də imzalanmış məktubda müəlliflər Giller Fondunun sponsorlarından biri olan Scotiabank-ı İsrailin silah şirkəti Elbit Systems-dəki sərmayələrini geri çəkməyə çağırıb. Həmçinin, Azrieli Fondu, Indigo və Audible kimi sponsorların da Fələstinlilərə qarşı fəaliyyətlərdən imtina etməsi tələb olunub.

Qeyd edilib ki, 2023-cü ildə etirazlar nəticəsində Elbit Systems-ə qoyduğu sərmayələrin yarısını geri çəkən Scotiabank-ın hələ də bu şirkətdə “milyonlarla dollar” investisiyası var.

Müəlliflər, Azrieli Vəqf Qrupunun "işğal olunmuş İordan çayının qərb sahilində beynəlxalq hüquqa görə qeyri-qanuni olan yaşayış məntəqələrində biznes fəaliyyətini davam etdirdiyini" və "sionist müstəmləkəçi məskunlaşma layihəsini genişləndirmək üçün İsrailə immiqrasiyanı təşviq etdiyini" vurğulayaraq, Kanadanın ən böyük kitab satışı şirkəti olan Indigo-nun da "İşğalçı İsrail qüvvələrində xidmət etmək, fələstinliləri evlərindən köçürmək, onlara qarşı terror əməli törətmək və öldürmək üçün" İsrail vətəndaşı olmayanlara təqaüd verdiyini söylədi.

Həmçinin, Amazon-a məxsus Audible şirkəti də Palantir texnologiya şirkəti ilə də əməkdaşlıq edir, hansi ki, bu şirkətin rəhbəri İsrailə açıq-aşkar ictimai dəstək göstərdiyi, “başqa sözlə, soyqırımı dəstəklədiyi” üçün işçilərini itirmişdi.

Əsərlərini namizədlər siyhısından geri çəkən 15 yazıçı həmkarlarının da onlara qoşulmasını istəyib.

Qeyd edək ki, Giller Fondu hadisə ilə bağlı bir açıqlama verməyib.