BAKI,VOA,Yusif Şərifzadə

ABŞ dövlət katibi Marko Rubio bildirib ki, Vaşinqton İranla aparılan danışıqlarda qısamüddətli məqsəd kimi Hörmüz boğazında təhlükəsiz gəmiçiliyin təmin olunmasına, uzunmüddətli perspektivdə isə İranın nüvə proqramının tam dayandırılmasına nail olmağa çalışır.

VOA xəbər verir ki, Rubio Ağ Evdə jurnalistlərə açıqlamasında Hörmüz boğazının açıq qaldığını və gəmilərin hərəkətini davam etdirdiyini vurğulayıb.

Onun sözlərinə görə, ABŞ hazırda İran və Oman arasında daha çox gəminin qısa müddətdə təhlükəsiz şəkildə boğazdan keçməsini təmin edəcək razılaşma üzərində aparılan danışıqlarda iştirak edir.

"Hazırda İran və Oman arasında daha çox gəminin qısamüddətli perspektivdə təhlükəsiz keçidini təmin etmək üçün aparılan danışıqlarda iştirak edirik. Bu, İranın nüvə proqramının tam dayandırılması ilə bağlı uzunmüddətli danışıqlara keçid üçün bir addımdır", – deyə Rubio bildirib.

ABŞ dövlət katibi əlavə edib ki, Vaşinqton üçün yekun məqsəd İranın nüvə proqramının tam dayandırılmasıdır.