BAKI,VOA, Fərid Mikayılov

ABŞ-nin müdafiə naziri Pit Heqset İsrailə bu gün üçün planlaşdırılan rəsmi səfərini ləğv edib.

VOA xəbər verir ki, səfərin ləğv olunmasının səbəbləri barədə hələlik rəsmi məlumat açıqlanmayıb.

Daha əvvəl CNN telekanalı vəziyyətlə tanış olan mənbələrə istinadən Pit Heqsetin çərşənbə günü İsrailə ilk rəsmi səfərini etməyi planlaşdırdığını bildirmişdi.

Məlumata görə, ABŞ Silahlı Qüvvələrinin çərşənbə gecəsi İrana endirdiyi zərbələrin səfər planlarına təsir edib-etmədiyi hələlik məlum deyil.

Hazırda Pit Heqset ABŞ Prezidenti Donald Trampla birlikdə Türkiyənin paytaxtı Ankarada keçirilən NATO sammitində iştirak edir.

Mənbələrin sözlərinə görə, nəzərdə tutulan səfərin əsas məqsədlərindən biri Donald Trampın NATO sammiti çərçivəsində Türkiyə Prezidenti Rəcəb Tayyib Ərdoğanla müzakirə etdiyi ABŞ istehsalı olan beşinci nəsil F-35 qırıcılarının Türkiyəyə mümkün satışı ilə bağlı İsrailin narahatlığını aradan qaldırmaq idi.

Bundan əvvəl İsrailin Baş naziri Benyamin Netanyahu CNN telekanalına müsahibəsində Türkiyəyə F-35 qırıcılarının satışına qəti şəkildə qarşı olduğunu