ABŞ-nin müdafiə naziri Pit Heqset İsrailə bu gün üçün planlaşdırılan rəsmi səfərini ləğv edib. Daha əvvəl CNN telekanalı vəziyyətlə tanış olan mənbələrə istinadən Pit Heqsetin çərşənbə günü İsrailə ilk rəsmi səfərini etməyi planlaşdırdığını bildirmişdi.

ABŞ-ın Müharibə naziri Pit Heqset ABŞ və İran arasında imzalanan "İslamabad Anlaşma Memorandumu" ilə bağlı olduqca sərt və kəskin bəyanatlar verib. Brüsseldə keçirilən NATO Müdafiə Nazirləri Toplantısından sonra hava limanının apronunda mətbuata açıqlama verən Heqset, Tehran rejimi ilə heç bir "etimad" münasibətinin olmadığını və bundan sonrakı hər bir addımın yalnız İranın praktiki fəaliyyətinə əsasən qiymətləndiriləcəyini vurğulayıb.

ABŞ müdafiə naziri Pit Heqset ölkədə sursat çatışmazlığı yaşandığı barədə iddiaları təkzib edib. O bildirib ki, hərbi ehtiyatların vəziyyəti ilə bağlı yayılan məlumatlar həqiqəti əks etdirmir. Son dövrlərdə İran ətrafında artan gərginlik fonunda ABŞ silah ehtiyatları ilə bağlı narahatlıqlar güclənmişdi. Bu müzakirələrə ABŞ Hərbi Dəniz Qüvvələrinin müvəqqəti rəhbəri Hunq Kaonun açıqlamaları da təsir göstərmişdi. Pit Heqset isə sursat ehtiyatlarının kifayət qədər yüksək səviyyədə olduğunu vurğulayıb. Nazir ehtiyatların davamlı şəkildə artırıldığını bildirib. Onun sözlərinə görə, ABŞ müdafiə sənayesi rekord həcmdə istehsal həyata keçirir. Rəsmi Vaşinqton hərbi imkanlarının zəifləmədiyini, əksinə daha da gücləndiyini bəyan edir.

ABŞ Müdafiə Naziri Pit Heqset Avropanın miqrasiya və təhlükəsizlik məsələlərində üzləşdiyi çağırışlara diqqət çəkib. O bildirib ki, Avropanın dəniz yolu ilə gələn miqrant və ideologiyalarla üzləşməsi təhlükəli tendensiyadır. Heqset Qərb ölkələrini keçmişdəki laqeydliyi tərk etməyə və azadlığın, sülhün qorunmasının yalnız şərəf, məqsəd və güc hesabına mümkün olduğunu xatırlamağa çağırıb. ABŞ müdafiəsi və müttəfiqlərin birgə fəaliyyəti ilə bu çağırışlarla mübarizə aparılır.

ABŞ-ın müdafiə naziri Pit Heqset Vaşinqton və İslamabad arasında münasibətlərin yeni mərhələyə daxil olduğunu bildirib. O, Pakistan rəhbərliyinin İranla bağlı diplomatik səylərdə oynadığı rolu yüksək qiymətləndirərək iki ölkə arasında “əsl dostluq” münasibətlərinin formalaşdığını qeyd edib. Nazir xüsusilə Pakistan Silahlı Qüvvələrinin Baş Qərargah rəisi Asim Munir və Baş nazir Şahbaz Şərifin regional sabitliyin qorunması istiqamətində atdığı addımlara diqqət çəkib. Açıqlama son aylarda ABŞ və Pakistan arasında intensivləşən diplomatik təmaslar və təhlükəsizlik sahəsində əməkdaşlığın genişlənməsi fonunda verilib.

ABŞ-ın müdafiə naziri Pit Heqset bildirib ki, Vaşinqton İranla mümkün razılaşmaya nail olmaq üçün əlverişli mövqedədir və indiyədək aparılan danışıqlar məhsuldar keçib. Bununla yanaşı, o vurğulayıb ki, ABŞ Prezidenti Donald Tramp tələsik qərar qəbul etməyəcək.

ABŞ müdafiə naziri Pit Heqset İranla bağlı hərbi əməliyyatlar və rekord müdafiə büdcəsi fonunda Konqresdə qanunvericilərin suallarını cavablandıracaq. Dinləmələrdə münaqişənin uzanması, enerji bazarına təsiri və ABŞ ordusunun ehtiyat imkanları əsas müzakirə mövzuları olacaq.

8 aprel tarixli atəşkəs razılaşmasından sonra İran kommersiya gəmilərinə doqquz dəfə atəş açıb, iki konteyner gəmisini ələ keçirib və ABŞ qüvvələrinə 10 dəfə hücum edib.

ABŞ-ın müdafiə naziri Pit Heqset İranla hərbi qarşıdurma niyyətlərinin olmadığını bildirib. Nazirin sözlərinə görə, məqsəd İranın bölgədə yaratdığı təzyiqləri aradan qaldırmaq və ticarət gəmilərinin təhlükəsiz hərəkətini təmin etməkdir. Heqset vurğulayıb ki, ABŞ bu prosesdə İranın hava məkanı və ya ərazi sularına daxil olmağa ehtiyac duymur və qarşıdurma niyyətində deyil

Müharibə zamanı İran Hərbi Dəniz Qüvvələri son onilliklərin ən ağır zərbəsini aldı: 150-yə yaxın hərbi dəniz vasitəsi sıradan çıxdı, yüzlərlə hərbçi həlak oldu. Ölənlər arasında Hörmüz boğazının bağlanması doktrinasının memarı sayılan "İnqilab Keşikçiləri Korpusu"nun (SEPAH) Hərbi Dəniz Qüvvələrinin komandanı Əli Rza Təngsiri və dəniz kəşfiyyatının rəhbəri Behnəm Rezai də var. Bu, sadəcə avadanlıq itkisi deyil, qeyri-ənənəvi dəniz müharibəsində qərar qəbul etmə və beyin mərkəzinə endirilən bir zərbə idi.

ABŞ-ın müdafiə naziri Pit Heqset İranın nüvə razılaşmasını qəbul etməyəcəyi təqdirdə hərbi əməliyyatların yenidən başlanmasına hazır olduqlarını bəyan edib. Qeyd olunub ki, Hegset İranın daha əvvəl zərbə endirilmiş raket buraxılış sistemlərini yenidən aktivləşdirdiyini iddia edib və ABŞ-ın bu obyektlərin yerləşdiyi məkanlar barədə məlumatlı olduğunu vurğulayıb.

ABŞ-da təhlükəsizlik qurumları paytaxt yaxınlığında yerləşən hərbi obyekt üzərində naməlum dronların uçuşunu qeydə alıb. Məlumata əsasən, ABŞ rəsmiləri dronların mənşəyini hələ müəyyən edə bilməyib. Hadisə fonunda təhlükəsizlik tədbirləri gücləndirilib və yüksək vəzifəli şəxslərin mümkün köçürülməsi variantı da müzakirə olunub. Bununla belə, onların yerinin dəyişdirilmədiyi qeyd olunur.