BAKI,VOA,Yusif Şərifzadə
ABŞ təhlükəsizlik qurumları futbol üzrə Dünya Çempionatı başlayandan bəri oyunların keçirildiyi stadionların yaxınlığında 600-dən çox pilotsuz uçuş aparatını müsadirə edib.
VOA xəbər verir ki, ABŞ Nəqliyyat Təhlükəsizliyi Administrasiyasının açıqlamasına görə, tədbir iyunun 11-də başladıqdan sonra təhlükəsizlik məqsədilə yüzlərlə pilotsuz uçuş aparatı məhdudlaşdırılmış hava məkanında saxlanılıb.
Məlumata görə, oyun günlərində stadionların ətrafında üç dəniz mili radiusunda və yer səviyyəsindən 3 min fut hündürlüyədək bütün hava hərəkəti, o cümlədən pilotsuz uçuş aparatlarının uçuşu qadağandır. Yalnız hava hərəkətinə nəzarət xidmətinin xüsusi icazəsi olan uçuşlara istisna tətbiq edilir.
ABŞ Federal Təhqiqat Bürosu bildirib ki, müsadirə olunan pilotsuz uçuş aparatları turnirə ev sahibliyi edən 11 şəhərin hamısında qadağan olunmuş hava məkanında aşkar edilib.