Cənubi Afrika millisinin futbolçusu Ceyden Adams 25 yaşında vəfat edib. Onun ölüm səbəbi hələlik açıqlanmayıb. Adams 2026-cı il dünya çempionatında millinin bütün qrup oyunlarında forma geyinmişdi. O, "Mamelodi Sandaunz" klubunun heyətində Afrika Çempionlar Liqasının qalibi olub. Futbolçu Çexiya ilə oyundan əvvəl nənəsini itirmişdi. Cənubi Afrika Futbolçular Birliyi onun vəfatını ölkə futbolu üçün ağır itki adlandırıb. İdman naziri Qeyton Makkenzi və Beynəlxalq Futbol Federasiyasının prezidenti Canni İnfantino da başsağlığı mesajı yayıblar. Adams milli komandada keçirdiyi 13 oyunda iki qol müəllifi olmuşdu.

ABŞ millisinin futbolçusu Folarin Baloqun Dünya Çempionatında diqqət mərkəzinə düşüb. Bosniya və Herseqovina ilə oyunda qırmızı vərəqə alan futbolçunun cəzası Beynəlxalq Futbol Federasiyası tərəfindən dayandırılıb. Qərardan əvvəl ABŞ Prezidenti Donald Tramp futbolçunun işi ilə bağlı yenidən baxılmasına çağırış etmişdi. Folarin Baloqun ABŞ-də doğulduğu üçün bu ölkənin vətəndaşıdır. Daha sonra ailəsi Böyük Britaniyaya qayıdıb və o, burada böyüyüb. Futbolçu əvvəl İngiltərənin aşağı yaş qruplarında çıxış etsə də, 2023-cü ildə ABŞ millisini seçib. Onun ətrafında yaranan vəziyyət həm idman, həm də siyasi müzakirələrə səbəb olub. Baloqunun Belçikaya qarşı oyunda iştirakı böyük maraq doğurur.

ABŞ-də futbol üzrə Dünya Çempionatı zamanı təhlükəsizlik tədbirləri gücləndirilib. Rəsmi məlumata görə, iyunun 11-dən bəri stadionların yaxınlığında 600-dən çox pilotsuz uçuş aparatı müsadirə olunub. Oyun günlərində stadionların ətrafında müəyyən edilmiş hava məkanında bütün icazəsiz uçuşlar qadağandır. Bu qayda pilotsuz uçuş aparatlarına da şamil edilir. Yalnız müvafiq qurumların icazəsi olan uçuşlara icazə verilir. Federal Təhqiqat Bürosu bildirib ki, qayda pozuntuları turnirə ev sahibliyi edən bütün şəhərlərdə qeydə alınıb. Təhlükəsizlik tədbirləri yarışın fasiləsiz və təhlükəsiz keçirilməsi məqsədi daşıyır. Rəsmilər vətəndaşları müəyyən edilmiş məhdudiyyətlərə əməl etməyə çağırırlar.

Misir millisinin baş məşqçisi Hossam Həsən dünya çempionatında Avstraliya üzərində qazanılan qələbəni Fələstin xalqına həsr edib. VOA xəbər verir ki, Misir yığması penaltilər seriyasında 4:2 hesabı ilə qalib gəlib. Qarşılaşma gərgin və bərabər mübarizə şəraitində keçib. Qələbədən sonra məşqçi çıxış edərək nəticəni Fələstinə həsr etdiyini bildirib. O, Misir və Fələstin xalqlarına dəstək mesajı verib. Açıqlama Yaxın Şərqdə geniş diqqət çəkib. Qələbə Misir üçün tarixi nəticə kimi qiymətləndirilir.

Dünya çempionatının 1/16 final mərhələsində Avstraliya ilə qarşılaşan Misir millisi, penaltilər seriyasında qazandığı dramatik qələbə ilə adını 1/8 finala yazdırıb. Matçın qəhrəmanı isə soyuqqanlı "Panenka" zərbəsi ilə komandasını irəli aparan Məhəmməd Salah olub.

Futbol üzrə 2026-cı il Dünya Çempionatında pley-off həyəcanı pik həddə çatıb. Turnirin qrafikinə uyğun olaraq, bu gecə və sabah səhər saatlarında 1/16 final mərhələsinin daha üç maraqlı iddialı matçı baş tutacaq. Avropanın nəhəngləri növbəti mərhələyə yüksəlmək üçün bir-birlərini sınağa çəkəcəklər.

İran parlamentinin sədri Məhəmməd Baqir Qalibaf futbol üzrə 2026-cı il dünya çempionatında çıxış edən milli komandanı təbrik edib. O bildirib ki, komanda beynəlxalq arenada İranı layiqincə təmsil edib. Qalibafın sözlərinə görə, futbolçular hərtərəfli təzyiqlərə baxmayaraq mübarizəni davam etdirərək ölkənin həmrəyliyini və iradəsini nümayiş etdiriblər. İran rəsmiləri daha əvvəl komandanın ABŞ-də viza və yerləşdirmə ilə bağlı ciddi çətinliklərlə üzləşdiyini açıqlamışdılar. Tehran bu münasibəti siyasiləşdirilmiş yanaşma kimi qiymətləndirir. Dünya çempionatı ilə bağlı müzakirələr ölkədə davam edir. İran rəsmiləri komandanın çıxışını yüksək qiymətləndirirlər.

İran Xarici İşlər Nazirliyinin sözçüsü İsmayıl Bəqai ABŞ-ni futbol üzrə 2026-cı il dünya çempionatı zamanı İran milli komandasına qarşı qərəzli davranmaqda ittiham edib. O bildirib ki, komandanın üzvləri və federasiya rəsmilərinin bir hissəsinə viza verilməyib. Bəqainin sözlərinə görə, komandanın oyunların keçirildiyi məkandan kənarda yerləşdirilməsi də problemlərə səbəb olub. İran rəsmisi ABŞ-nin daxili təhlükəsizlik naziri Markveyn Mallinin İran yığmasının turnirdən kənarda qalmasını alqışlayan açıqlamasını da sərt tənqid edib. Onun fikrincə, bu cür bəyanatlar idmanın siyasi mübahisələrdən uzaq saxlanılması prinsipinə ziddir. İran tərəfi ABŞ-nin ev sahibi kimi üzərinə düşən öhdəliklərə tam əməl etmədiyini iddia edib. Məsələ ilə bağlı ABŞ tərəfinin mövqeyi açıqlanmayıb.

Məhəmməd Salahın “Liverpul”la müqaviləsi iyunun 30-da başa çatır. Misir kapitanı hələ də yeni klubu seçməyib və gələcəyi qeyri-müəyyən olaraq qalır. İngiltərənin nəhəng klubları onun mövqeyində ciddi ehtiyac görmür, İtaliyaya qayıtmaq imkanları maaş və klub prioritetləri səbəbindən çətinləşir. Salah qalib gəlməyə alışıb və sadəcə iştirak üçün oynamır. Türkiyə Super Liqası, Səudiyyə Ərəbistanı Liqası və ABŞ MLS-liqası onun üçün mümkün variantlardır. Onun növbəti klubunu Dünya Çempionatı bitmədən açıqlayıb-açmayacağı maraq doğurur.

Kanada dünya çempionatını iqtisadi və diplomatik imkan kimi qiymətləndirir. Baş nazir Mark Karni ölkənin investisiyalar üçün açıq olduğunu bildirib. Hökumət sentyabr ayında keçiriləcək İnvestisiya Zirvəsinə dünyanın aparıcı investorlarını cəlb etməyə çalışır. Məqsəd növbəti illərdə iqtisadiyyata böyük həcmdə sərmayə cəlb etməkdir. Toronto şəhəri isə çoxmədəniyyətli simasını dünyaya tanıtmağa çalışır. Şəhərdə 250 müxtəlif dildə danışıldığı bildirilir. Bununla yanaşı, turizm sektorunda gözlənilən qədər yüksək tələbat müşahidə olunmur. Dünya çempionatı Kanadanın beynəlxalq imicinin gücləndirilməsi üçün vacib platforma hesab edilir.

İqlim fəalları FİFA-nın "Aramko" ilə sponsorluq müqaviləsinə qarşı yeni etiraz aksiyalarına hazırlaşırlar. Əsas tədbirin Los-Ancelesdəki "SoFi" stadionu qarşısında keçirilməsi nəzərdə tutulur. Fəallar neft şirkətlərinin idman tədbirlərində reklam olunmasını tənqid edirlər. Onların fikrincə, bu yanaşma şirkətlərin ictimai imicinin yaxşılaşdırılmasına xidmət edir. FİFA 2024-cü ildə "Aramko" ilə qlobal tərəfdaşlıq müqaviləsi imzalayıb. Müqavilə 2026 və 2027-ci illərin dünya çempionatlarını da əhatə edir. Etirazçılar sponsorluq sazişinin ləğvini tələb edirlər. Aksiyaların bir neçə şəhərdə keçirilməsi planlaşdırılır.

İraq milli komandasının hücumçusu Əymən Hüseyn təkcə vurduğu qollarla deyil, həyat hekayəsi ilə də milyonlarla insanın rəğbətini qazanıb. Uzun illər Dünya Çempionatından kənarda qalan İraq yığmasının 2026-cı il mundialına vəsiqə qazanmasında mühüm rol oynayan futbolçu ağır ailə faciələrinə baxmayaraq zirvəyə yüksəlməyi bacarıb.