BAKI,VOA,Yusif Şərifzadə

Pakistanın Baş naziri Şahbaz Şərif Səudiyyə Ərəbistanının vəliəhdi Məhəmməd bin Salmanla telefon danışığı aparıb və İslamabadın bölgədə sülhün təmin olunmasına yönəlmiş səylərinə verdiyi dəstəyə görə ona təşəkkür edib.

VOA xəbər verir ki, Şahbaz Şərif tərəflərin danışıqlar prosesinin növbəti mərhələsinin dialoq, diplomatiya və sülh prosesini pozmağa yönəlmiş cəhdlərə qarşı ayıqlıq prinsipləri əsasında davam etdirilməsi barədə razılığa gəldiklərini bildirib.

Pakistanın Baş naziri qeyd edib ki, növbəti mərhələdə aparılacaq danışıqlar yalnız dialoq və diplomatik yanaşmalar əsasında irəliləməlidir. O vurğulayıb ki, sülh prosesinə zərbə vurmağa yönəlmiş istənilən cəhdə qarşı diqqətli olmaq vacibdir.

Şahbaz Şərif eyni zamanda Səudiyyə Ərəbistanının böhran dövründə nümayiş etdirdiyi sabit mövqeyi və regional sülhə verdiyi mühüm töhfəni yüksək qiymətləndirib.

Onun sözlərinə görə, Ər-Riyadın bölgədə sabitliyin qorunması istiqamətində atdığı addımlar sülh prosesinin irəliləməsində mühüm rol oynayıb.