BAKI,VOA,Yusif Şərifzadə
ABŞ Prezidenti Donald Tramp “Truth Social” platformasında açıqlayıb ki, Səudiyyə Ərəbistanı və Qətər dərhal “İbrahim Razılaşmaları”nı imzalamalı, digər ölkələr də onların ardınca getməlidir.
VOA xəbər verir ki, Tramp vurğulayıb ki, əks halda, həmin ölkələr İranla müharibəni bitirmək üçün nəzərdə tutulan razılaşmanın bir hissəsi olmamalıdır və bu, xoş niyyətin olmaması kimi qiymətləndiriləcək. O bildirib ki, adı çəkilən ölkələrin liderləri sənədin imzalanması zamanı İranın da bu razılaşmaya qoşulmasını şərəf sayacaq.
Prezident əlavə edib ki, bu razılaşma bölgə ölkələrinin indiyədək imzaladığı ən mühüm sənəd ola bilər və bütün ölkələrin dərhal qoşulması məcburidir. Trampın sözlərinə görə, bu addım Yaxın Şərqi güclü, birləşmiş və iqtisadi baxımdan qüdrətli bölgəyə çevirə bilər.
O sonda nümayəndələrə müraciət edərək prosesi başlamağı və uğurla yekunlaşdırmağı tələb edib.