BAKI,VOA, Fərid Mikayılov

Avropada hərbi strukturlara qarşı genişmiqyaslı kiber hücum iddiaları gündəmdədir.

VOA xəbər verir ki, Rusiyayla əlaqəli olduğu iddia edilən hakerlərin Yunanıstanın Baş Qərargahına məxsus 27 e-poçt hesabına sızdığı barədə məlumat yayılıb.

Məlumata əsasən, sızdırılan hesablar arasında Yunanıstanın Hindistan və Bosniya və Herseqovinadakı hərbi attaşeliklərinə aid yazışmalar da yer alır.

Qeyd olunub ki, sızıntı britaniyalı və amerikalı kibertəhlükəsizlik tədqiqatçılarının daxil olduğu araşdırma qrupu tərəfindən təsadüfən aşkar edilib. Bildirilir ki, hakerlər məlumatları açıq şəkildə internetdə saxlayaraq ciddi əməliyyat səhvinə yol veriblər.

Bildirilib ki, hücumun arxasında Rusiyanın hərbi kəşfiyyatı ilə əlaqəli olduğu ehtimal edilən “Fancy Bear” qrupunun dayandığı güman olunur.

Məlumata görə, Moskva bu iddiaları rədd edir.

Qeyd edilib ki, kiber hücumların təkcə Yunanıstanla məhdudlaşmadığı, Ukrayna, Rumıniya və Bolqarıstanda da müxtəlif dövlət və hərbi qurumlara aid hesabların hədəfə alındığı bildirilir.

Bildirilib ki, Ukraynada yüzlərlə hüquq-mühafizə əməkdaşının, Rumıniyada isə hərbi strukturlara aid onlarla hesabın ələ keçirildiyi qeyd olunur.