BAKI,VOA, Fərid Mikayılov
Böyük Britaniyanın baş naziri Keir Starmer Körfəz regionuna səfərə yollanır.
VOA xəbər verir ki, səfərin məqsədi ABŞ–İsrail–İran qarşıdurması fonunda əldə olunmuş atəşkəsə dəstək vermək və sülh prosesini təşviq etməkdir.
Məlumata görə, Starmer bildirib ki, atəşkəs region və dünya üçün müvəqqəti rahatlıq yaratsa da, bu, davamlı razılaşmaya çevrilməlidir.
Qeyd olunur ki, Böyük Britaniya Hörmüz boğazı ətrafında gəmiçiliyin təhlükəsizliyinin bərpası istiqamətində beynəlxalq səylərdə fəal iştirak edir və bu məqsədlə son günlər diplomatik və hərbi görüşlər keçirib.
Səfər çərçivəsində Starmer region liderləri ilə görüşlər keçirəcək, həmçinin bölgədə yerləşən britaniyalı hərbçilərlə görüş planlaşdırılır.