BAKI,VOA

ABŞ Dövlət katibi Marko Rubio "ABC" telekanalına verdiyi müsahibədə rəsmi Vaşinqtonun Hörmüz boğazındakı naviqasiya azadlığı və İranla davam edən diplomatik təmaslarla bağlı qətiyyətli mövqeyini açıqlayıb.

VOA xəbər verir ki, dövlət katibi həm hərbi xəbərdarlıq edib, həm də danışıqlar üçün yeni bir imkanın yarandığına işarə vurub.

Marko Rubionun rəsmi bəyanatında aşağıdakı mühüm məqamlar vurğulanıb.

"Biz hər zaman məsələlərin danışıqlar və diplomatik yollarla həllinə üstünlük veririk. İranda bizimlə əvvəlkilərdən fərqli üslubda və fərqli metodlarla danışan insanlar var. Biz İranın Hörmüz boğazına nəzarət etməsinə və oradan keçid üçün rüsum (vergi) tətbiq etməsinə əsla icazə verməyəcəyik" - deyə o bildirib.

Dövlət katibinin bu çıxışı İranın Hörmüz boğazını bağlamaq və ya ticarət gəmilərindən keçid vergisi tələb etmək hədələrinə qarşı birbaşa cavabdır.

Rubio həmçinin Tehran daxilindəki "fərqli səslərə" diqqət çekərək, Vaşinqtonun daha rasional tərəfdaşlarla müzakirəyə hazır olduğunu, lakin iqtisadi və hərbi təzyiqdən geri çəkilməyəcəyini nümayiş etdirib.