BAKI,VOA
Qətər hakimiyyəti təhlükəsizlik səbəbilə paytaxt Dohada ABŞ səfirliyi ətrafında yaşayan şəxslərin təxliyəsinə başlayıb.
VOA xəbər verir ki, Qətər Daxili İşlər Nazirliyinin yaydığı açıqlamada bildirilib ki, ictimai təhlükəsizlik məqsədilə müvəqqəti tədbir kimi ABŞ səfirliyinin yerləşdiyi ərazi ətrafında yaşayan sakinlərin təxliyəsi həyata keçirilir.
Məlumata görə, təxliyə edilən şəxslər üçün alternativ yaşayış yerləri təmin olunub.
Eyni zamanda ABŞ-ın Dohadakı səfirliyi də sosial şəbəkələrdə yayımladığı xəbərdarlıqda vətəndaşları və bölgədə yaşayan şəxsləri ehtiyat tədbiri kimi səfirlik ətrafından uzaq durmağa çağırıb.
Qeyd edək ki, bölgədə gərginlik ABŞ və İsrailin 28 fevral tarixində İrana qarşı həyata keçirdiyi hərbi əməliyyatlardan sonra artıb.
Məlumata görə, İran bu hücumlara cavab olaraq İsrail ilə yanaşı ABŞ hərbi obyektlərinin yerləşdiyi Qətər, Birləşmiş Ərəb Əmirlikləri və Bəhreyn kimi ölkələrdə müəyyən hədəflərə zərbələr endirib.