BAKI,AzerVoice, Fərid Mikayılov
ABŞ Prezidenti Donald Tramp Kuba ilə danışıqların aparıldığını bəyan edib.
AzerVoice xəbər verir ki, Tramp jurnalistlərə açıqlamasında bildirib ki, ABŞ dövlət katibi Marko Rubio artıq Havana ilə təmaslara başlayıb.
“Hazırda Marko Rubio Kuba ilə danışıqlar aparır” - deyə ABŞ lideri prezident təyyarəsində jurnalistlərə açıqlamasında qeyd edib.
Ağ Evin rəhbəri Kubanı Vaşinqtonla razılaşma əldə etməyə çağırıb və ölkədə iqtisadi vəziyyətin pisləşməsi fonunda humanitar fəlakət riski olduğunu vurğulayıb.
Onun sözlərinə görə, embarqo qüvvədə qalır, ölkədə neft və maliyyə çatışmazlığı mövcuddur.