BAKI,AzerVoice, Fərid Mikayılov
Avropa İttifaqı Rusiyaya qarşı növbəti - 20-ci sanksiya paketi üzərində işləyir.
AzerVoice xəbər verir ki, bu barədə Aİ-nin xarici siyasət rəhbəri Kaja Kallas bildirib.
Kallas bildirib ki, yeni paketlə bağlı işlər artıq başlayıb. Onun sözlərinə görə, sanksiyaların daha effektiv işləməsi üçün Aİ tərəfdaşlarının da bu məhdudiyyətləri dəstəkləməsi vacibdir.
O hesab edir ki, tətbiq olunan sanksiyalar Rusiyanın zəif nöqtələrinə təsir edir və nəzərdə tutulan siyasi nəticələrin əldə olunmasına xidmət edir.
Bundan əvvəl Kallas, Rusiyanın Kiyevə endirdiyi zərbələrdən sonra, Ukraynaya dəstəyi “Rusiyanın qələbəsinin dəyəri ilə müqayisədə sərfəli anlaşma” adlandırmış və Moskvaya qarşı sanksiya təzyiqinin artırılmasını tələb etmişdi.