BAKI, AzerVoice
İsrail Müdafiə Ordusu (SAXAL) Qəzza zolağının mərkəzində yerləşən Nuseyrat qaçqın düşərgəsində HƏMAS-ın silah istehsalı qərargahında silah hazırlanma şöbəsinin rəhbəri Bəşşar Tabeti qətlə yetirib.
AzerVoice xəbər verir ki, bu barədə ordunun mətbuat xidməti məlumat yayıb.
Ordu nümayəndələrinin bildirdiyinə görə, öldürülmüş şəxs HƏMAS-ın silah istehsalı qərargahında tədqiqat və hazırlıq işlərinə cavabdeh olub.
Bundan əvvəl, ordunun "Telegram" kanalında "Hizbullah" hərəkatının silahlı qanadının "Radvan" elit dəniz qüvvələri bölməsinin komandiri Həsən Əhməd Sabrın öldürüldüyü bildirilmişdi.