BAKI, AzerVoice

Yaponiya Trampın Hirosima müqayisəsinə sərt reaksiya verib.

AzerVoice xəbər verir ki, Yaponiya hökuməti ABŞ prezidenti Donald Trampın İrana endirilən hava zərbələrini Hirosima və Naqasaki ilə müqayisə etməsini kəskin şəkildə tənqid edib.

Rəsmi Tokio bu açıqlamanı “son dərəcə kədərli” adlandırıb.

Nazirlər Kabinetinin baş katibi Hayaşi Yoşimasa Kyodo agentliyinə verdiyi açıqlamada qeyd edib ki, bu cür müqayisələr Yaponiyada minlərlə insanın həyatını itirdiyi atom bombası hücumlarına haqq qazandırmaq kimi başa düşülə bilər. “Bu, qəbuledilməz yanaşmadır. Hirosima və Naqasakidə yaşanan faciənin bir daha təkrarlanmaması üçün nüvə silahlarından azad bir dünyanın qurulması vacibdir”, – deyə Hayaşi bildirib.

Qeyd edək ki, Tramp NATO Liderlər Zirvəsi çərçivəsində verdiyi bəyanatda İranın nüvə obyektlərinə edilən hücumlarla bağlı “Mən Hirosima və Naqasakidən danışmaq istəmirəm, amma bu, eyni effekt verdi. Müharibəni bu sonlandırdı” sözlərini işlətmişdi.

Yaponiya hökuməti daha əvvəl İran və İsrail arasında əldə olunmuş atəşkəsdən məmnunluğunu ifadə etmişdi.