BAKI, AzerVoice
Yaponiyanın baş naziri Sigeru İsiba, ABŞ-ın İranın nüvə obyektlərinə endirdiyi zərbələrə Tokio hökumətinin dəstək verib-vermədiyi barədə jurnalistlərin sualından yayınıb.
AzerVoice xəbər verir ki, bu barədə xarici KİV məlumat yayıb.
“Hazırda ən vacib məsələ vəziyyətin sabitləşməsidir. Bununla yanaşı, hesab edirik ki, İranın nüvə proqramının inkişafı dayandırılmalıdır” – deyə, İsiba cavabında bildirib.
O əlavə edib ki, Yaponiya, o cümlədən ölkənin enerji təhlükəsizliyi üçün həyati əhəmiyyət daşıyan neft bazarındakı vəziyyəti diqqətlə izləməyə davam edəcək.
Qeyd edək ki, ABŞ Prezidenti Donald Tramp iyunun 22-ə keçən gecə ölkəsinin Hərbi Hava Qüvvələrinin İran ərazisində üç nüvə obyektinə – Fordo, Nətənz və İsfahana qarşı uğurlu hücum həyata keçirdiyini açıqlamışdı. O, həmçinin İranı İsrail ilə münaqişəni dayandırmağa çağırmışdı.