BAKI,AzerVoice
İranın Loristan əyalətində İsrailin xarici kəşfiyyat xidməti olan MOSSAD üçün fəaliyyət göstərməkdə şübhəli bilinən 5 nəfər saxlanılıb.
AzerVoice xəbər verir ki, onların sosial media üzərindən İran cəmiyyətində qorxu və xaos yaratmağa çalışdıqları iddia olunur.
Məlumata görə, saxlanılan şəxslər Loristan vilayətində İnqilab Keşikçiləri Korpusunun (SEPAH) kəşfiyyat bölməsi tərəfindən aparılan əməliyyat zamanı tutulublar.
Şübhəlilər İsrailin İrana qarşı həyata keçirdiyi hücumlar fonunda əhali arasında təşviş və qorxu yaymaqda, eləcə də İran rejimini nüfuzdan salmaqda ittiham olunurlar.
Qeyd edək ki, bundan bir gün əvvəl həmin əyalətdə oxşar ittihamlarla daha 18 nəfər hüquq-mühafizə orqanları tərəfindən saxlanılıb.