İran hökuməti İsrail üçün casusluq və kəşfiyyat əməkdaşlığı etməkdə təqsirli bilinən Gholamreza Khani Shekarabı edam edib. Beynəlxalq insan hüquqları təşkilatları edamları tənqid edib və uzun müddətdir İranı Çin-dən sonra ən çox edam həyata keçirən ölkələrdən biri olmaqda ittiham edirlər.

Trampın bu paylaşımı Çin səfərindən qayıtdıqdan dərhal sonraya təsadüf edir. Hazırda dünya Vaşinqtonun fevralın 28-də İsrail ilə birlikdə İrana qarşı başlatdığı müharibədə növbəti addımının nə olacağını maraqla gözləyir. ABŞ mediası Trampın Pekin səfəri zamanı "heç bir nəzərəçarpan irəliləyiş" əldə edə bilmədiyini yazsa da, prezident çinli həmkarı Si Cinpinin Tehranın Hörmüz boğazını yenidən açmalı olduğu fikri ilə razılaşdığını bildirib. Lakin Çin tərəfi bu məsələyə müdaxilə edəcəyinə dair hələlik heç bir rəsmi işarə verməyib.

İran hakimiyyəti bu gün “İsrail kəşfiyyat xidmətinə casusluq” ittihamı ilə mühakimə olunmuş 32 yaşlı Ehsan Afrashteh adlı şəxsi edam edib. Afrashteh 2024‑cü ildə İsraildən aldığı təlimlər və MOSSAD ilə əməkdaşlıq etdiyi iddiası ilə həbs edilib. İran hakimiyyəti onun həssas milli məlumatları İsrailə ötürdüyünü bildirib.

İsrailin təhlükəsizlik orqanları İrana casusluqda şübhəli bilinən üç hərbçi və bir mülki şəxsi saxlayıb. Bildirilib ki, onlar İsrail Hərbi Hava Qüvvələrinə məxsus təlim obyektləri də daxil olmaqla bir sıra həssas məkanların görüntülərini çəkərək məlumat ötürməkdə şübhəli bilinirlər.

İran hakimiyyəti İsrail üçün casusluq etməkdə ittiham olunan bir şəxsin edam edildiyini bildirib. Məlumata görə, İrfan Kayani adlı şəxs ölkədə yanvar ayında baş verən etirazlar zamanı təxribat xarakterli fəaliyyətlərdə iştirak etməkdə və “terror mühiti yaratmaqda” günahlandırılıb.

İran məhkəmə sisteminə bağlı rəsmi mənbələrin məlumatına görə, Sultan Əli Şirzadi Fəxr adlı şəxs müxalif qruplaşma və Mossad ilə əlaqədə olmaq ittihamı ilə edam edilib. Məlumata əsasən, Fəxrin uzun müddət Mücahidin-e Xəlq təşkilatının üzvü olduğu və müxtəlif sahələrdə bu qrupla əməkdaşlıq etdiyi iddia olunub.

İsrailin Baş naziri Benyamin Netanyahu yeraltı sığınacaqda keçirdiyi mətbuat konfransında İranla müharibənin gedişatı barədə mühüm bəyanatlar verib. Baş nazir müharibənin 20-ci günündə İranın nüvə və raket potensialının böyük ölçüdə məhv edildiyini, İsrailin artıq regional fövqəldövlətə çevrildiyini bildirib.

İranın endirdiyi zərbələr nəticəsində İsrailin mərkəzi hissəsində yerləşən Ramat Qan bölgəsində iki nəfər həlak olub, bir neçə nəfər yaralanıb. Məlumata görə, hücum zamanı çoxsaylı döyüş başlıqları daşıyan raketlərdən istifadə olunub ki, bu da hava hücumundan müdafiə sistemlərini aşmaq məqsədi daşıyıb. İsrail mediası partlayışlardan sonra qəlpələrin geniş əraziyə yayıldığını və ciddi dağıntılar törətdiyini bildirib.

ABŞ Ədliyyə Nazirliyinin ötən cümə günü Jeffrey Epşteyn işi ilə bağlı milyonlarla yeni sənədi ictimaiyyətə açıqlamasından sonra qalmaqallı iddialar beynəlxalq gündəmi silkələməkdə davam edir. Gizliliyi ləğv edilən materiallarda bir sıra nüfuzlu siyasətçilər, iş adamları və kral ailələrinin üzvləri ilə yanaşı, ABŞ Prezidenti Donald Trampın da adının keçməsi diqqət çəkib.

İranın paytaxtı Tehranda İsrail xeyrinə casusluqda ittiham olunan Əli Ərdəstani edam edilib. Ali Məhkəmənin təsdiqi və bütün hüquqi prosedurların icrasından sonra Ərdəstaninin Mossadın xeyrinə casusluq etməsi və ölkə ilə bağlı həssas məlumatları xaricə ötürməsi ittihamı üzrə çıxarılan edam hökmü icra olunub. Onilliklərdir İran ilə İsrail arasında davam edən gizli qarşıdurma fonunda Tehran indiyədək Mossad ilə əlaqədə ittiham olunan bir sıra şəxsləri edam edib.

İranın paytaxtı Tehranda İsraillə əlaqəli olduğu iddia edilən bir şəxs təhlükəsizlik qüvvələri tərəfindən saxlanılıb. İran polisi həmin şəxsin MOSSAD ilə əlaqədə olduğunu və ölkə üzrə davam edən etiraz aksiyalarını qızışdırmaqda iştirak etdiyini bildirir. Tehran polisi saxlanılan şəxslə bağlı görüntülər yayıb. Adı açıqlanmayan şəxsin maddi qarşılıq müqabilində MOSSAD üçün fəaliyyət göstərdiyi və müxtəlif şəhərlərdə keçirilən aksiyalarda təxribatçı rol oynadığı iddia olunur.

İsrailin kəşfiyyat xidməti MOSSAD Livan ərazisində gizli əməliyyat həyata keçirərək Ron Aradın taleyi ilə əlaqəli məlumatlara malik olduğu ehtimal edilən şəxsi qaçırıb. İsrail kəşfiyyatına məxsus agentlər keçmiş ümumi təhlükəsizlik zabiti Əhməd Şükrü gizli əməliyyat çərçivəsində saxlayaraq naməlum istiqamətə aparıblar.