BAKI,AzerVoice
İsrailin İran ərazisinə endirdiyi hücumlara cavab “sarsıdıcı” olacaq.
AzerVoice xəbər verir ki, bu barədə İran İslam Respublikasının Silahlı Qüvvələrinin Baş Qərargahı bəyanat yayıb.
Rəsmi bəyanatda bildirilir ki, Ali Lider Ayətullah Seyyid Əli Xameneinin göstərişi əsasında İran Silahlı Qüvvələri “sionist rejimin təcavüzünü peşman edəcək şəkildə” cavab verəcək.
Qeyd edək ki, İsrail cümə gecəsi Tehran və digər şəhərlərə qarşı genişmiqyaslı hərbi hava zərbələri həyata keçirib. Paytaxtın müxtəlif hissələrində yaşayış binalarının dağıdıldığı, qadın və uşaqların da həyatını itirdiyi təsdiqlənib.
Bəyanatda əlavə olunur ki, Tehrana edilən hücumlar nəticəsində İran Silahlı Qüvvələrinin Baş Qərargah rəisi general-leytenant Məhəmməd Baqeri, İslam İnqilabı Keşikçiləri Korpusunun (SEPAH) baş komandanı general-leytenant Hüseyn Səlami və bir sıra digər hərbi və mülki şəxslər şəhid edilib.