BAKI, AzerVoice
İstanbul danışıqlarına görə Türkiyəyə minnətdarıq.
AzerVoice xəbər verir ki, Kremlin
sözçüsü Dmitri Peskov Türkiyənin Rusiya və Ukrayna arasında
İstanbulda keçirilən danışıqlara verdiyi dəstəyə görə təşəkkür
edib.
O, Moskvada jurnalistlərlə görüşündə “İstanbulda danışıqlar üçün
təmin etdiyi ideal şəraitə görə Türkiyəyə minnətdarıq”, – deyə
bildirib. Peskov, həmçinin Türkiyə xarici işlər naziri Hakan
Fidanın Moskvaya səfəri zamanı Sergey Lavrov və prezident Vladimir
Putinlə görüşəcəyini, danışıqlarda Ukrayna böhranının əsas müzakirə
mövzusu olacağını vurğulayıb.
Qeyd edək ki, Rusiya və Ukrayna arasında İstanbulda baş tutan əvvəlki danışıqlarda bir sıra ilkin razılaşmalar əldə olunmuşdu, lakin bu proseslər sonradan dayandırılıb və müharibə davam edir.