BAKI, AzerVoice

İranın Bəndər-Abbas limanında baş verən partlayışdan sonra daxili işlər naziri İsgəndər Mömini dərhal araşdırma aparılması üçün göstəriş verib.

AzerVoice xəbər verir ki, İran dövlət televiziyasının məlumatına görə, daxili işlər naziri Mömini partlayışdan sonra Hörmüzqan valisi Məhəmməd Aşuri ilə telefonla danışıb.

Qubernator Aşuridən lazımi məlumatları aldıqdan sonra Mömini dərhal araşdırma aparılması üçün göstərişlər verib.

Digər tərəfdən, Möminin göstərişi ilə ölkənin Böhran Vəziyyətlərində İdarəetmə Təşkilatının rəhbərinin də rayona getdiyi vurğulanıb.

Qeyd edək ki, İranın Bəndər-Abbas şəhərində, Fars körfəzi sahilində yerləşən Şəhid Rəcai limanında səbəbi hələ məlum olmayan şiddətli partlayış baş verib və rəsmi orqanlar 195 nəfərin yaralandığını açıqlayıb.

Bəzi media orqanları partlayışın yanacaq çənindən baş verdiyini iddia edib.

Yayımlanan görüntülərdə limandan qalxan tüstü, sonra isə şiddətli partlayış görünür.

Şiddətli partlayışın qonşu şəhərlərdə də hiss olunduğu və bir neçə kilometr aralıda yerləşən binaların şüşələrinin sındığı qeyd edilib.