Bakı, AzerVoice

İlon Maskın "SpaceX" şirkətinə məxsus olan "Falcon 9" raketi iyulun 12-də ABŞ Federal Aviasiya İdarəsi (FAA) tərəfindən kosmosda parçalanıb və onun daşıdığı "Starlink" peyklərinin faydalı yükü məhv edilib.

AzerVoice "Reuters" agentliyinə istinadən xəbər verir ki, bu, qlobal kosmik sənayenin güvəndiyi raketin yeddi ildən çox müddətdə ilk uğursuzluğu olub.

Kaliforniyadakı Vandenberq Kosmik Qüvvələri Bazasından kosmik fəzaya buraxılan "Falcon 9" təxminən bir saat sonra raketin ikinci mərhələsinin yenidən alovlana bilməməsi ucbatından 20 ədəd "Starlink" peykini dayaz orbital yolda yerləşdirib. Həmin peyklər Yer atmosferinə yenidən daxil olacaq və yanacaq.

Mühərriki yenidən işə salmaq cəhdi naməlum səbəblərdən uğursuz olub. "SpaceX"in sahibi İlon Mask özünün sosial media platforması "X"də raketdə baş verən partlayışla bağlı paylaşım edib.

Agentliyin açıqlamasında deyilir ki, "Falcon 9" raketinin nasazlığının səbəbi araşdırılır və o, FAA-nın təsdiqini alana qədər kosmosa göndərilməyəcək. Bu proses problemin mürəkkəbliyi və "SpaceX"in onu həll etmək planından asılı olaraq, bir neçə həftə və ya ay çəkə bilər.

Bu uğursuzluq "SpaceX"in buraxılış sənayesindəki üstünlüyü fonunda 300-dən çox kosmik missiyadan ibarət müvəffəqiyyət seriyasına son qoyub. Bir çox ölkə və kosmik şirkətlər öz peyklərini və astronavtlarını kosmosa göndərmək üçün təxminən 200 milyard dollar dəyərində olan özəl "SpaceX" raketindən istifadə edir.

İlon Mask bildirib ki, "SpaceX" şirkəti "Starlink" peyklərinin proqram təminatını yeniləyir. Kosmik aparatın alovlu atmosferə yenidən daxil olmaması üçün bort itələyicilərinin gücü artırılacaq. "Ulduz yolu" filminin epizodundan fərqli olaraq, bu, yəqin ki, asan olmayacaq, amma sınaqdan keçirməyə dəyər", -deyə milyarder bildirib.

Mask əlavə edib ki, peyklər ictimaiyyət üçün heç bir təhlükə yaratmır. Şirkət onların səmada işıq zolaqları kimi görünəcək yeni girişlərinin vaxtını təxmin etməyib.