BAKI, AzerVoice

ABŞ Senatı, İsrailin Qəzzada humanitar yardımın qarşısını alması və mülki itkilərin artması ilə bağlı narahatlıqlara baxmayaraq, bu ölkəyə 8,8 milyard dollarlıq silah satışını əngəlləmək cəhdini rədd edib.

AzerVoice xəbər verir ki, Senat iri bombaların və digər hücum hərbi texnikasının satışına dair iki qanun layihəsini 82-15 və 88-31 səslə qəbul etməyib. Təkliflər Demokratlar Partiyası ilə müttəfiq olan müstəqil Vermont senatoru Berni Sanders tərəfindən irəli sürülüb.

Məlumata görə, ABŞ Konqresində iki partiyalı İsrail dəstəyi onilliklərdir davam edir və bu səbəbdən belə qanun layihələrinin qəbul edilməsi çətin hesab olunur. Lakin bu cür təşəbbüslərin gündəmə gəlməsi İsrail hökumətini və ABŞ administrasiyasını mülki insanları qorumaq üçün daha çox iş görməyə təşviq edə bilər.

ABŞ senatoru Bernie Sanders çıxışında qətnamələri dəstəkləməyə çağırıb və Qəzzada baş verən humanitar böhranı vurğulayıb. O, son həftələr ərzində minlərlə uşağın aclıq və yardıma çıxışın olmaması səbəbindən həyatını itirdiyini bildirib:

"Hazırda baş verənləri təsəvvür etmək mümkün deyil. Artıq 31 gündür ki, Qəzzaya heç bir humanitar yardım çatmayıb. Nə yemək, nə su, nə dərman, nə də yanacaq var", - deyə Sanders vurğulayıb.