BAKI,AzerVoice

Çində pilotsuz uçan taksilərin kommersiya məqsədilə istifadəsinə icazə verilib.

AzerVoice xəbər verir ki, Çin Mülki Aviasiya İdarəsi “EHang Holdings” və “Hefei Hey Airlines” şirkətlərinə sərnişin daşınması və turizm xidmətləri üçün pilotsuz hava nəqliyyatını istismara buraxmaq hüququnu tanıyan rəsmi lisenziya təqdim edib.

Bu qərar ölkədə yeni nəqliyyat texnologiyalarının inkişafına təkan verəcək.

Mütəxəssislər bildirir ki, pilotsuz hava taksilərinin istifadəsi şəhər nəqliyyatında sıxlığın azaldılmasına və ekoloji təmiz nəqliyyat həllərinin tətbiqinə imkan yaradacaq. Yeni sistemlər, əsasən, şəhərdaxili qısa məsafəli uçuşlar üçün nəzərdə tutulub və gələcəkdə daha geniş miqyasda tətbiq olunması planlaşdırılır.

Bu sahədə əsas rəqiblər arasında “Xpeng” və “Geely” avtomobil və aviasiya şirkətləri ilə yanaşı, qlobal aviasiya sənayesinin nəhəngləri olan “Boeing” və “Airbus” da yer alır. Hazırda bir çox şirkət pilotsuz uçan nəqliyyat vasitələrinin inkişafı üzərində işləyir və yaxın illərdə bu sektorun sürətlə böyüyəcəyi gözlənilir.