Bakı,AzerVoice

Kabildə Əfqanıstanın mədən və neft naziri vəzifəsini icra edən Hidayətullah Bədri ilə TAPI Pipeline Company Limited şirkətinin baş direktoru Muhammetmurad Amanov arasında görüş keçirilib.

AzerVoice xəbər verir ki, görüşdə tərəflər Türkmənistan-Əfqanıstan-Pakistan-Hindistan (TAPI) qaz kəməri layihəsində baş verən son hadisələri, həmçinin layihə üzrə aparılan işlərin sürətləndirilməsi ilə bağlı məsələləri müzakirə ediblər.

Əfqanlar üçün yeni iş imkanları yaratmaqla yanaşı, layihədə iştirak edən əfqan mühəndislərin hazırlığının təkmilləşdirilməsinə də xüsusi diqqət yetirilib.

Dekabrda Türkmənistandan olan nümayəndə heyəti Əfqanıstanın Serhetabat-Herat hissəsində tikinti işlərinin gedişi ilə tanış olub. Bu hissənin tikintisinə 2024-cü ilin sentyabrında başlanılıb və TAPİ qaz kəməri layihəsinin həyata keçirilməsində mühüm mərhələdir.

Türkmənistan neft-qaz kompleksinin 2025-ci il üçün biznes planlarında Serhetabat-Herat hissəsində “Arkadagyň ak ıoly” adlı TAPI qaz kəmərinin tikintisinin davam etdirilməsi nəzərdə tutulur. Bu, layihənin Türkmənistan üçün əhəmiyyətini vurğulayır.