BAKI, AzerVoice, Nailə Babazadə
Avstraliya Baş naziri Entoni Albanese ölkəsinin Fələstin Dövlətini tanımaq qərarını bir daha vurğulayıb.
AzerVoice xəbər verir ki, Albanese, SBS News-ə verdiyi açıqlamada Avstraliyanın Fələstin Dövlətini tanımaq qərarına münasibət bildirib.
“Dünya bu məsələdə (Fələstin Dövlətinin tanınması) açıq və böyük əksəriyyətlə mövqeyini ortaya qoyub. İnsanlar Yaxın Şərqdə sülh, atəşkəs, girovların azad edilməsini və Qəzza xalqına humanitar yardımların çatdırılmasını istəyir.”- deyə qeyd edib.
Qeyd edəkk ki, Albanese-nin bu açıqlaması, İsrailin Baş naziri Benyamin Netanyahunun 25 sentyabrda beynəlxalq ictimaiyyətə meydan oxuyaraq Fələstini tanıyan Qərb ölkələrini hədəf almasından sonra gəlib.
Avstraliya Baş naziri Albanese 21 sentyabrda ölkəsinin Fələstin Dövlətini rəsmən tanıdığını açıqlamışdı.