BAKI,AzerVoice
Türk siyasətində fəaliyyət göstərən hər partiyanın əsas dayağı Türk millətidir və onlar Türkiyəyə xidmət etməlidir.
AzerVoice xəbər verir ki, bu sözləri Milliyyətçi Hərəkat Partiyasının (MHP) sədri Devlet Bahçeli deyib.
Bahçeli, Türkiyənin yeni əsrində terroru tamamilə aradan qaldırmış bir ölkə qurmağın, etnik və dini mənşəyindən, siyasi aidiyyətindən, məzhəbindən asılı olmayaraq hər bir vətəndaşın xeyrinə olduğunu vurğulayıb.
O, həmçinin daha demokratik, güclü və firavan bir Türkiyənin hər kəsin ümumi arzusu olduğunu və milli sərvətləri istismar edən terrorizmi gündəmdən tamamilə çıxaracaqlarını söyləyib.
Bahçeli, "Terrorsuz Türkiyə" məqsədinin bu yanaşma ilə gerçəkləşəcəyini qeyd edib.
MHP lideri, "Terorsuz Türkiyə" təşəbbüsünün İmralıdan verilən PKK-nın silah buraxma və təşkilatın ləğvi çağırışı ilə böyük bir mərhələyə gəldiyini bildirib və bu prosesi uğurla başa çatdırmaq üçün terroru tək dağda deyil, şəhərlərdəki vandallıq anlayışını da aradan qaldırmağın vacib olduğunu vurğulayıb.