BAKI,VOA,Yusif Şərifzadə
İsrail ordusu Qəzza zolağına endirilən zərbə nəticəsində HƏMAS-ın komandirlərindən biri olduğunu iddia etdiyi Məhəmməd Nəim Cəndiyyənin öldürüldüyünü açıqlayıb. HƏMAS məsələ ilə bağlı hələlik açıqlama verməyib.
VOA xəbər verir ki, İsrail ordusu yaydığı məlumatda Məhəmməd Nəim Cəndiyyənin HƏMAS-ın Şücaiyyə taborunun hərbi təhlükəsizlik bölməsinə rəhbərlik etdiyini iddia edib.
İsrail tərəfinin iddiasına görə, Cəndiyyə 2023-cü il oktyabrın 7-də İsrail ərazisindən qaçırılan üç israilli girovu yeraltı tuneldə saxlayıb. Ordunun məlumatına əsasən, o, çərşənbə günü həyata keçirilən hava zərbəsi nəticəsində öldürülüb.
Məlumata görə, həmin üç girov daha sonra İsrail hərbçiləri tərəfindən səhvən fələstinli hesab edilərək açılan atəş nəticəsində həlak olublar.
HƏMAS isə Məhəmməd Nəim Cəndiyyənin öldürülməsi ilə bağlı yayılan məlumatlara hələlik münasibət bildirməyib.