BAKI, AzerVoice, Nailə Babazadə
Səudiyyə Ərəbistanının Xarici İşlər Nazirliyi İsrailin işğal altındakı Qərb Sahili ilə bağlı son qərarını kəskin tənqid edib.
AzerVoice xəbər verir ki, “Al Arabiya”nın yaydığı bəyanata görə, nazirlik İsrailin qərarının bölgədə sülh və sabitlik səylərini zəiflətdiyini bildirib.
Açıqlamada vurğulanıb ki, İsrailin Fələstin torpaqları üzərində heç bir hüququ yoxdur və Qərb Sahilinin bəzi hissələrinə nəzarəti gücləndirmək qərarı iki dövlətli həll perspektivini təhlükə altına qoyur.
Məlumata görə, İsrail Nazirlər Kabineti bazar günü işğal altındakı Qərb Sahilində nəzarətin daha da sərtləşdirilməsi və məskunlaşanların torpaq almasını asanlaşdıran əlavə tədbirləri təsdiqləyib. Fələstin tərəfi bu addımı “faktiki ilhaq” kimi qiymətləndirib.