BAKI, AzerVoice

Livandakı siyasi və təhlükəsizlik böhranı fonunda "Livan Qüvvələri" Partiyasının sədri Samir Caca Hizbullahın silahlı varlığının Livan üçün artıq təhlükə mənbəyi olduğunu və İsraili qorxutmaq əvəzinə ölkəyə yalnız dağıntı və ziyan gətirdiyini deyib. Caca bildirib ki, Livan ya hökumət səviyyəsində hərbi və təhlükəsizlik təşkilatlarının ləğvi qərarını verməli, ya da qarşıdan gələn yayı böhranla qarşılamalı olacaq.

Samir Caca avqustun 1-dən etibarən ABŞ-ın Livandakı silahların yalnız dövlətin əlində cəmləşməsi ilə bağlı müəyyən etdiyi müddətin sona çatması fonunda yayda genişmiqyaslı İsrail hücumu ehtimalına toxunaraq deyib:“Əgər bu vəziyyət davam edərsə, yay ən yaxşı olduqca gərgin siyahi mühitdə keçəcək.”

Onun sözlərinə görə, 2024-cü ilin noyabrında imzalanan atəşkəs razılaşması silahların yalnız ordu və rəsmi təhlükəsizlik qurumlarının əlində olmasını tələb edir. Lakin Hizbullahın silahlı varlığı bu razılaşmanı açıq şəkildə pozur.

Caca qeyd edir ki, hazırda beynəlxalq ictimaiyyət Qəzzadakı müharibənin dayandırılması üçün İsrailə təzyiq göstərsə də, Livandakı vəziyyətə dair heç bir reaksiya yoxdur.

Caca, Hizbullahın ağır və yüngül silahlarının İsrail üçün artıq qorxu mənbəyi olmadığını deyərək, bu məsələni “boş ritorika” adlandıraraq, “Söhbət təkcə silahdan yox, silahlı təşkilatın mövcudluğundan gedir. Bu halda heç bir dövlət suverenliyindən danışmaq olmaz.”-deyib.

Onun sözlərinə görə, Livanda hakimiyyətin bir hissəsi dövlətin əlində, digər hissəsi isə qeyri-dövlət aktorlarının əlindədir. Bu isə ölkənin beynəlxalq nüfuzunu zədələyir.

Samir Caca xəbərdarlıq edir ki, əgər bu qeyri-müəyyənlik davam edərsə, Livan dost ölkələrin, xüsusilə Körfəz ölkələri və ABŞ-ın dəstəyini itirə bilər.

“Fransa yardım konfransı vəd etsə də, ABŞ-ın etirazı səbəbindən hələ də vaxt müəyyənləşməyib.”-deyən Caca vəziyyəti “siyasi mətbəxdə daş qaynatmaq” adlandıraraq, rəsmi şəxsləri konkret addımlar atmağa çağırıb.

Caca bildirib ki, hökumət daxilində müxtəlif siyasi qruplarla əlaqə saxlayaraq bütün qeyri-dövlət silahlı təşkilatların qadağan olunması üçün qərarın qəbuluna çalışırlar:

Hizbullah Livana ziyan verir

Caca vurğulayır ki, Hizbullahın hərbi strukturu artıq Livanı müdafiə etmir, əksinə ziyan verir – həm İsrail və Qərblə, həm də Suriya ilə münasibətlərdə gərginlik yaşanır. O, Suriyada Hizbullahın dəstəklədiyi silahlı qrupların üzə çıxmasının yeni Suriya hökumətinə münasibəti zədələyə biləcəyini bildirib.

Caca Livandakı bəzi qrupların Suriyadakı yeni hakimiyyətlə bağlı qorxu kampaniyaları apardığını, lakin bu narahatlıqların əsaslı olmadığını deyib.

“Əhməd əş-Şəraa prezident olandan bəri Livanla münasibətlərdə heç bir təhdid müşahidə olunmayıb.”-deyə o qeyd edib.

O əlavə edib ki, Səudiyyə Ərəbistanı, Türkiyə və ABŞ-ın hazırkı siyasəti Livanda sabitliyin tərəfdarıdır. Hizbullah və “müqavimət oxu” isə silahı saxlamaq üçün bütün vasitələrdən istifadə edir.

“Livan xalqı radikallığa meyilli deyil”

Caca qeyd edib ki, Livanlıların və xüsusilə sünni əhalinin təbiəti etibarilə orta mövqe tutduğunu və keçmişdə radikalizmə meyil göstərmədiyini xatırladıb:

“Ən ağır böhran dövrlərində belə ekstremizm baş qaldırmadı, indi də baş verməyəcək.”

O, təhlükəsizlik orqanlarının bu vəziyyəti nəzarətdə saxladığını və hər hansı təhlükənin əvvəlcədən qarşısını alacaq qabiliyyətdə olduğunu əlavə edib.