BAKI, Azervoice

İsrail Baş Qərargah rəisi Eyal Zamir, Suriyanın strateji imkanlar qazanmasının qarşısını almağa və zəiflətməyə davam edəcəklərini və ölkədə hərəkət azadlığını qoruyacaqlarını təsdiqlədi.

Azervoice xəbər verir ki, İsrail ordusundan verilən açıqlamaya görə, Zamir təxminən iki ildən sonra ilk dəfə yüksək səviyyəli ordu komandirləri ilə çox sahəli vəziyyətin qiymətləndirilməsi aparıb.

İclasda İsrail sərhədlərindən bütün Yaxın Şərq üçün “kəşfiyyat, əməliyyat və strategiya” mənzərəsi müzakirə edilib və təhlillər təqdim edilib.
Baş Qərargah rəisi Zamir ordunun genişmiqyaslı və hərtərəfli hücuma hazır olmasının vacibliyini vurğulayıb.

"Biz hava üstünlüyü qorumağa və kəşfiyyat səylərimizi inkişaf etdirməyə davam edəcəyik". - deyə Zamir qeyd edib.

Zamir, Suriya və Livanda Hizbullahın strateji imkanlar əldə etmələrinin qarşısını almağa və zəiflətməyə davam edəcəklərini və ölkədə hərəkət azadlığını qoruyacaqlarını bildirib.

“Qəzza zolağındakı müharibə İsrail ordusunun indiyə qədər yaşadığı ən mürəkkəb müharibələrdən biridir”. - deyə Zamir vurğulayıb. Eyni zamanda qeyd edib ki, müharibənin bədəlini ağır ödəyirik.

İran məsələsinə toxunan Zamir, "İran və müttəfiqləri hələ də hədəfimizdir. İrana qarşı müharibə hələ bitməyib" - deyə qeyd edib.

Zamir həmçinin qeyd edib ki, İsrailin işğal altındakı İordan çayının qərb sahilinə hücumları davam edir.