Bakı. AzerVoice:
İsrail Silahlı Qüvvələri oktyabrın yeddisindən bəri artıq üçüncü "Hermes-900" PUA-sını itirir.
AzerVoice xəbər verir ki, Livanın hava məkanını pozan İsrailə məxsus PUA cənubdakı Reyhan bölgəsində vurulduqdan sonra yerə düşüb.
Hizbullah PUA-nı vurduqlarını təsdiq edərək hadisədə hava hücumundan müdafiə silahlarından istifadə etdiyini bildirib.
İsrail ordusu isə Livan ərazisində bir PUA-nın yerdən havaya atılan raketi ilə vurulduğuna dair yazılı açıqlama yayıb. Həmçinin “Hizbullah” bundan əvvəl də yerdən atılan raketlər vasitəsyilə İsrailin PUA-larını vurduğunu bildirib.
Qeyd edək ki, "Hermes 900"-un dəyəri on milyon dollardan 20 milyon dollara qədərdir.
