BAKI, AzerVoice
İsrailin Qəzza zolağına hava zərbələri endirib.
AzerVoice xəbər verir ki, bu barədə “Al Jazeera” telekanalı məlumat yayıb.
Məlumata əsasən, İsrail ordusu Qəzza zolağının şimal, mərkəz və cənub bölgələrini intensiv şəkildə bombalayıb. Hava zərbələri nəticəsində azı 78 nəfər həyatını itirib.
Qeyd edək ki, martın 18-də İsrail ordusu yanvar ayında əldə olunmuş atəşkəs rejimini pozaraq Qəzzada hərbi əməliyyatları yenidən başladıb və əraziyə genişmiqyaslı hava zərbələri endirib. İsrail Baş naziri Binyamin Netanyahunun ofisi bu qərarı, ABŞ prezidenti Donald Trampın xüsusi nümayəndəsi Stiven Uitkoff və digər vasitəçilərin iştirakı ilə keçirilən danışıqlarda təqdim olunan təklifləri HƏMAS-ın qəbul etməməsi ilə əsaslandırıb. Təl-Əvivin əsas məqsədi isə bütün girovların azad edilməsidir.
Öz növbəsində HƏMAS, hərbi əməliyyatların yenidən başlanmasına görə məsuliyyətin İsrail və ABŞ-ın üzərində olduğunu bildirib.