Bakı. AzerVoice:
Türkiyə demək olar ki, Qəzza probleminə diqqət çəkən yeganə ölkədir.
AzerVoice xəbər verir ki, bu barədə Türkiyə xarici işlər naziri Hakan Fidan Çexiyanın paytaxtı Praqada keçirilən NATO Xarici İşlər Nazirlərinin Qeyri-rəsmi Toplantısından sonra deyib.
O qeyd edib ki, İsrail-Fələstin məsələsi regional problem olmaqla yanaşı, qlobal təhlükəsizlik probleminə çevrilmə ehtimalı da var.
“Bir daha vurğuladıq ki, atəşkəs razılaşması və humanitar yardım kampaniyası dərhal başlamazsa və iki dövlətli həll yoluna əməl olunmazsa, bu problem getdikcə böyüyəcək və qlobal problemə çevriləcək” – deyə Fidan bildirib.
O qeyd edib ki, Fələstin dövlətinin getdikcə daha çox ölkə tərəfindən tanınması, bu tanınmasının daha təsirli olması və Fələstin məsələsinə daha çox dəstək verilməsi prioritet iş sahələrimizdən biridir.
Hafiz Rufizoğlu