Bakı, AzerVoice:
Türkiyə prezidenti Rəcəb Tayyib Ərdoğanın sədrliyi ilə sabah Türkiyə Milli Təhlükəsizlik Şurasının iclası keçiriləcək.
AzerVoice xəbər verir ki, iclasın əsas gündəmi terrorla mübarizə məsələləri olacaq.
İclasda İraqın şimalında terrorçuların məhv edilməsi üzrə davam edən əməliyyatlar, terror təşkilatı PKK/YPG-nin Suriyanın şimalında işğal etdiyi yerlərdə qanunsuz seçki keçirməyə hazırlaşması və özünü legitimləşdirmə cəhdləri ilə bağlı görüləcək tədbirlər müzakirə olunacaq.
Məlumata əsasən, iclasda digər regional və beynəlxalq məsələlər, xüsusilə də Rusiya-Ukrayna müharibəsi, Azərbaycan və Ermənistan arasında sülh prosesi, İranda baş verənlər və Yunanıstanla münasibətlər də müzakirə olunacaq mövzular arasındadır.