Bakı,AzerVoice

Əfqanıstanın paytaxtı Kabil şəhərində Qırğızıstanın İqtisadiyyat və Ticarət naziri Daniyar Amangeldiyevlə Əfqanıstanın xarici işlər nazirinin müvəqqəti icraşısı Əmir Xan Müttəqi arasında görüş keçirilib.

AzerVoice xəbər verir ki, görüş iki ölkə arasında ticarət-iqtisadi əlaqələrin inkişaf perspektivlərinin müzakirəsinə həsr olunub.

Müttəqi  Əfgqanıstanın yüksək dağlıq ərazilərdə yaşayan və Herat vilayətində baş vermiş dağıdıcı zəlzələdən zərər çəkmiş əfqan xalqına göstərilən humanitar yardıma görə Qırğızıstana təşəkkür edib.

Nazirlər müxtəlif sahələrdə, o cümlədən ticarət, investisiya, nəqliyyat və enerji sahələrində geniş spektrli məsələləri müzakirə ediblər. Qarşılıqlı fayda təmin etmək üçün iqtisadi sahədə əlaqələrin qurulmasında maraqlı olduqlarını bildiriblər.

Hər iki tərəf Qırğızıstan və Əfqanıstan arasında ticarət-iqtisadi əlaqələrin inkişafının hər iki ölkə xalqının rifahının yaxşılaşmasına kömək edəcəyinə əminlik ifadə edib.

Nazirlər iki ölkədə kiçik və orta biznesin dəstəklənməsinin vacibliyini, eləcə də tərəflərin işgüzar dairələri arasında əlaqələrin qurulmasının vacibliyini vurğulayıblar.