BAKI,VOA, Fərid Mikayılov
İran Prezidenti Məsud Pezeşkian ABŞ Prezidenti Donald Trampın ünvanına təhqiramiz ifadələrlə cavab verməyəcəklərini açıqlayıb.
VOA xəbər verir ki, Pezeşkian bununla bağlı çıxışında İranın öz siyasi mövqeyini təhqir dili ilə ifadə etməyəcəyini vurğulayıb.
"Əlləri uşaqların qanına bulaşmış birindən belə siyasəti öyrənməyəcəyik", – deyə İran Prezidenti bildirib.
Pezeşkian əlavə edib ki, fikirlərini təhqirsiz ifadə edə bilməyən şəxsin çıxışları və düşüncə tərzi də təhqiramiz xarakter daşıyır.
"Təhqir etmədən danışa və fikirlərini ifadə edə bilməyən bir şəxsin söylədikləri qədər düşüncələri də təhqirdir. Biz öz hüquqlarımızı qətiyyətlə müdafiə edəcəyik", – deyə o qeyd edib.
Qeyd edək ki, ABŞ Prezidenti Donald Tramp Ankarada keçirilən NATO sammiti zamanı İranla atəşkəsin artıq qüvvədə olmadığını bəyan etmiş və İran rəhbərliyini "yalançılar", "alçaqlar" və "zorakı insanlar" kimi ifadələrlə tənqid etmişdi.