BAKI,VOA,Yusif Şərifzadə
İran Xarici İşlər Nazirliyinin sözçüsü İsmayıl Bəqai bildirib ki, Tehran Beynəlxalq Atom Enerjisi Agentliyi (BAEA) ilə əməkdaşlığı mövcud prosedurlara uyğun şəkildə davam etdirəcək.
VOA xəbər verir ki, o bu barədə İranın rəsmi xəbər agentliyinə açıqlama verib.
Bəqai qeyd edib ki, BAEA ilə əlaqələr İran parlamentinin təsdiqləri və Ali Milli Təhlükəsizlik Şurasının qərarları çərçivəsində həyata keçiriləcək.
Onun sözlərinə görə, bütün əməkdaşlıq prosesi ölkənin rəsmi qurumlarının müəyyən etdiyi qaydalara uyğun tənzimlənəcək.
İran tərəfi nüvə proqramı ilə bağlı beynəlxalq öhdəliklərə sadiqliyini qoruduğunu bildirir.